A figura de Rosalía de Castro no 150 aniversario de Cantares gallegos

Resumo

Para calquera galega ou galego sería unha honra vir presentar Rosalía de Castro a este ilustre lugar, o Salón Medieval da Reitoría da Universidade de Braga, pero éo moito máis se esa presentación vai ter lugar por medio da palabra e da música. O que hoxe van escoitar é a voz da propia Rosalía, que nos fala dende ese tempo atemporal, dende ese presente inmorredoiro que só a arte sabe crear e ao que nos convida de cando en vez a nós, homes e mulleres de a pé, para rescatarnos das redes da nosa implacable cotidianeidade.